Qazaqstan Respýblıkasy Ishki ister mınıstrliginiń buıryǵy  №510 

2014 jylǵy 14 tamyz, Astana qalasy Qylmystyq-atqarý júıesi mekemelerinde erekshe jaǵdaılar  rejımin engizý qaǵıdasyn bekitý týraly Qazaqstan Respýblıkasynyń 2014 jylǵy 5 shildedegi Qylmystyq-atqarý kodeksiniń 16-baby 1-tarmaǵynyń 7) tarmaqshasyna sáıkes buıyramyn: 1. Qylmystyq-atqarý júıesi mekemelerinde erekshe jaǵdaılar rejımin engizý qaǵıdasy bekitilsin. 2. «Qazaqstan Respýblıkasy Ishki ister mınıstrligi qylmystyq-atqarý júıesiniń keıbir máseleleri týraly» Qazaqstan Respýblıkasy Ishki ister mınıstriniń 2012 jylǵy 29 naýryzdaǵy № 182 buıryǵynyń 1-tarmaǵy 1) tarmaqshasynyń (Normatıvtik quqyqtyq aktilerdi memlekettik tirkeý tiziliminde 2012 jylǵy 8 mamyrdaǵy № 7630 bolyp tirkelgen, «Egemen Qazaqstan» gazetiniń 2012 jylǵy 31 qazandaǵy, 2012 jylǵy 7 qarashadaǵy №375-376, 383-384 (27194-27195, 27202-27203, 27204-27206), 2012 jylǵy 8 qarashadaǵy №388-389 (27207-27208) jarııalanǵan) kúshi joıyldy dep tanylsyn. 3. Qazaqstan Respýblıkasy Ishki ister mınıstrliginiń Qylmystyq-atqarý júıesi komıteti (B.M. Berdalın): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne ony keıinnen resmı jarııalaýdy; 2) osy buıryqty belgilengen tártipte «Ádilet» aqparattyq quqytyq júıesine jáne resmı aqparattyq buqaralyq quraldaryna jarııalaýdy; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Ishki ister mınıstrliginiń Qylmystyq-atqarý júıesi komıtetine (B.M. Berdalın) júktelsin. 5. Osy buıryq ony birinshi resmı jarııalanǵannan keıin kúntizbelik on kún ótkennen keıin qoldanysqa engiziledi, biraq 2015 jylǵy 1 qańtardan erte emes. Mınıstr polısııa general-leıtenanty Q. QASYMOV. Qazaqstan Respýblıkasy Ishki ister mınıstriniń 2014 jylǵy 14 tamyzdaǵy №510 buıryǵymen bekitilgen Qylmystyq-atqarý júıesi mekemelerinde erekshe jaǵdaılar rejımin engizý qaǵıdalary 1. Osy Qylmystyq-atqarý júıesi mekemelerinde erekshe jaǵdaılar rejımin engizý qaǵıdalary (budan ári – Qaǵıdalar) Qazaqstan Respýblıkasy Qylmystyq-atqarý kodeksiniń 101-babyna sáıkes ázirlendi jáne erekshe jaǵdaılar rejımin engizý tártibin aıqyndaıdy. 2. Erekshe jaǵdaılar rejımin engizýdiń maqsaty jedel jaǵdaıdy turaqtandyrý, sottalǵandardyń quqyqqa qarsy áreketteriniń jolyn kesý, zańdylyq pen tártipti qalpyna keltirý, sondaı-aq shuǵyl qutqarý jáne avarııalyq jumystardy júrgizý úshin qajetti jaǵdaılar jasaý bolyp tabylady. 3. Mekemeniń jumysyn uıymdastyrýǵa, sonda jumys isteıtin personaldyń, sottalǵandardyń jáne irgeles jatqan aýmaqta turatyn adamdardyń qaýipsizdigine naqty qaýip tóngen kezde shuǵyl sharalardy qabyldaýsyz múmkin bolmaıtyn jaǵdaıda erekshe jaǵdaılar rejımi engiziledi. 4. Mekemelerde erekshe jaǵdaılar rejımin engizý úshin: 1) tabıǵı apat; 2) mekeme ornalasqan aýdanǵa tótenshe, erekshe nemese soǵys jaǵdaıynyń engizilýi; 3) jappaı tártipsizdikter; 4) sottalǵandardyń toptasyp baǵynbaýshylyǵy. 5. Erekshe jaǵdaılar rejımi negizgi mindetterdi iske asyrý arqyly oryndaýǵa qol jetkizetin mynadaı elementterden: mekemeniń qalypty turmys-tirshiligin qalpyna keltirýden, sottalǵandar tarapynan bolǵan zańsyz áreketterdiń jolyn kesýden, mekemeniń personaly men sottalǵandardyń jáne mekemege irgeles jatqan aýmaqta turatyn adamdardyń qaýipsizdigin qamtamasyz etýden, sondaı-aq tabıǵı apat, avarııa jáne órt saldaryn jeńip shyǵýdan turady. Erekshe jaǵdaılar rejımin engizgen kezde mynadaı áreketter jasalady: 1) mekemeniń (Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń aýmaqtyq bólinisi) jeke quramy qyzmet atqarýdyń kúsheıtilgen túrine kóshiriledi; 2) mekemede jumys isteıtin azamattyq qyzmetshiler men áıelder mekeme aýmaǵynan tys jerge shyǵarylady; 3) mekemeniń kún tártibi ózgertiledi; 4) mekemeniń obektilerinde jáne oǵan irgeles jatqan aýmaqtarǵa (óndiristik, kommýnaldyq-turmystyq, mádenı-bilim berý, medıko-sanıtarlyq úı-jaılar) kirýge shekteýler qoıylady nemese kirgizý toqtatylady; 5) Qazaqstan Respýblıkasy Qylmystyq-atqarý kodeksiniń 105-113-baptarynda kózdelgen sottalǵandardyń quqyqtaryn iske asyrýda atalǵan rejımniń kúshi ýaqytsha toqtatylady; 6) syrtqy kúzetti kúsheıtý boıynsha sharalar qabyldanady; 7) dúken, tamaq blogy janynda jáne materıaldyq qundylyqtar saqtalatyn, onyń ishinde apat oryndarynan shyǵarylǵandar oryndarǵa beketter qoıylady; 8) tabıǵı apat jaǵdaıynda elektr energııasy (kúzetiletin obektiniń perımetrin jaryqtandyrýdy qospaǵanda) óshiriledi; 9) tótenshe jaǵdaılar kezindegi is-qımylda qoldaný úshin avtotraktor, bronetank, órt sóndirý – sý atqysh jáne ózge de tehnıkalar daıyndalady; 10) jedel qyzmetter sottalǵandardyń zańsyz áreketterin kıno-, foto-beıne, taspaǵa túsiredi, sondaı-aq kýágerlermen jáne jábirlenýshilermen saýal júrgizýdi; 11) aýmaqtyq órtke qarsy, gaz-apattyq, medısınalyq jáne ózge de qyzmetterdi tartý, olardyń kedergisiz júrýin jáne ilesip júrý qamtamasyz etiledi; 12) jeke quramnyń qarýmen, arnaýly quraldarmen qamtamasyz etilýin, baılanys quraldardyń jáne qyzmettik izdestirý ıtterdiń bar-joǵyna tekserý júrgiziledi; 13) qylmystyq-atqarý júıesi mekemeleriniń, ishki ister jáne Ulttyq ulan organdarynyń jeke quramymen birlesken jattyǵýlar júrgiziledi; 14) júrgiziletin is-sharalar kezinde qoldaný úshin jedel aqparattar alynady jáne taldanady; 15) mekeme ákimshiliginiń kúshterimen janjal oshaǵyn oqshaýlaý, zańsyz áreketterdiń uıymdastyrýshylary men belsendi qatysýshylaryn ustaý jóninde sharalar qabyldanady; 16) eger ákimshilik kúshimen sottalǵandar is-áreketiniń jolyn kesý múmkin bolmasa, arnaýly operasııa júrgiziledi. Zańsyz áreketterdiń jolyn kesý jónindegi arnaıy operasııa qylmystyq-atqarý júıesi organdary men mekemeleriniń qyzmetkerlerin, jedel áreket jasaý bólinisterin, sondaı-aq ishki ister organdarynyń basqa da kúshi men quraldaryn tartýmen júrgiziledi. Arnaıy operasııanyń bastalýy aldynda sottalǵandarǵa zańsyz áreketterdi toqtatý usynylady, olarǵa jeke quramdy engize otyryp, tótenshe sharalardyń qoldanylýy týraly eskertiledi. 6. Erekshe jaǵdaılar rejımi Qazaqstan Respýblıkasynyń Bas prokýrorymen kelisilip, Qazaqstan Respýblıkasy Ishki ister mınıstriniń sheshimi boıynsha otyz táýlikke deıingi merzimge engiziledi. Kórsetilgen merzimde erekshe jaǵdaılar rejımin engizýde belgili maqsatqa qol jetpegen jaǵdaıda, onyń qoldanylý ýaqytyn kórsetilgen laýazymdy adamdar qosymsha otyz táýlikke uzartady. 7. Erekshe jaǵdaılar rejımin engizetin jaǵdaıda qylmystyq-atqarý júıesi aýmaqtyq organynyń basshysy óz betinshe qylmystyq-atqarý qyzmeti salasynda ýákiletti organnyń birinshi basshysyn shuǵyl habardar etýmen, qolda bar baılanys arnalary arqyly bir saǵattan keıin jazbasha (arnaıy habarlama) rastaý arqyly óz erkimen osy Qaǵıdalardyń 5-tarmaǵymen kózdelgen sharalardy engizedi. Ulttyq ulan bólinisiniń komandıri qylmystyq-atqarý júıesi aýmaqtyq organynyń basshysy erekshe jaǵdaılar rejımin engizý týraly habarlamany alǵan kezde obektiniń kúzetin jáne ótkizý rejımin, sottalǵandardy qadaǵalaýdy kúsheıtedi. 8. Erekshe jaǵdaılar rejımin engizý týraly sheshim buıryq túrinde resimdeledi, onda: 1) osy Qaǵıdalardyń 4-tarmaǵyna sáıkes erekshe jaǵdaılar rejımin engizý úshin negizdeme bolatyn mán-jaılar; 2) oryndaýǵa jatatyn is-sharalardyń tizbesi; 3) qylmystyq-atqarý júıesiniń kúshteri men quraldary, ishki ister jáne ishki áskerler organdarynyń kúshteri men quraldaryn tartýdyń maqsattylyǵy, jaýapty laýazymdy adamdar; 4) mindetterdiń oryndalý merzimi kórsetiledi. Buıryq Qazaqstan Respýblıkasynyń Ádilet mınıstrliginde 2014 jylǵy 16 qyrkúıektegi Normatıvtik quqyqtyq kelisimderdi memlekettik tirkeýdiń tizilimine №9733 bolyp engizildi.